Descrizione
San Bastian ant'la gisioeta
par andè-n-Valdicastè,
sempr'an pé nt-la tu niceota
da na vita-at-vug csì-lé.
D'ogni tant ina candeila
ina fiù, in Avemaria,
na lisèrta c'la sa speila
suta-au su, sì par la gria.
San Bastian, me-m-vis d'na vota,
ancu schir mi mari an piota
Ventar slà, chica sparpaia
l'a-m purtava-n-s'la tu strà.
Ventar slà, chica sparpaia
propi gl'ultimi dla fioca
antrameint che zà-n-sla paia
in bel oev la fava l'oca.
Sant'Antoni, San Bastian
Sant'Agnes au l'induman
prima che l'inver cu droca
i soen trei marcaent dla fioca.
Isti al robi cus-sintiva
amninda si par la tu strà
nui masnà piavu la briva
par rivè -ncu pì sgagià.
Ina vota -nt'la gisioeta,
citu, què-mzò-nmà preghè
u nost Sant ant'la nicioeta
chil cum poesa semp iitè.
San Bastian, darcò s'al fioca
te t'hai zà-l-viuloeti-n-man
e la froeg la sarà poca
in bel su-ui sarà zà-adman.
San Bastian me poei uardava
cul brit freci nt'la car viva
e-l-mi coer us disparava
u-uriva alvetii s'al pudiva.
Ma-l mi man ueru tropp citi
in-savu propi neint cmè fé
e pensava al robi briti
che i'om grand i son bon d'fe.
In sangiut e ina preghiera
San Bastian, a-l'era tit
cul che con l'aenma sincera
u t'ufriva in bambein cit.
San Bastian, ormai na vita
l'ì pasaia da cui dì
ma la storia l'ì semp brita
u nost moend l'ha neint capì
Che par vivi-n-s'ista tera
u i'andreisa in po' d'amur
sensa odiu e sensa uera
c'me cu-auriva u nost Signur
San Bastian, me chica vota,
tant c'hioe -n-cu-npo' d'energia
a ven sì par dei na bota
at-ranc al freci e così sia!!!